ឪសថស្ថាន គ្លូប៊លមេដ

Wednesday, March 29, 2017

រាយនាមឪសថព្យាបាលជំងឺរលាកថ្លើមប្រភេទបេ

ឪសថដែលមានលក់នៅលើទីផ្សារពិភពលោកមានដូចជា

Tenosfovir 300mg
Tenofovir 300mg + Emtrisitabin 200mg
Efavirenz 600mg + Emtrisitabin 200mg + Tenofovir 300mg
Elvitegravir 150mg + Cobicistat 150mg + Emtrisitabin 200mg + Tenofovir alafenaminde 10mg

ចំពោះតំលៃគឺគិតទៅតាមប្រភេទឪសថ និងប្រទេសដែលបានផលិត ចាប់ពី 50$ to 400$

មានលក់នៅទីនេះ អាចធ្វើការទំនាក់ទំនងតាមរយះ ហ្វេសបុកឆាត។

រាយនាមឪសថដែលអាចព្យាបាលជំងឺរលាកថ្លើមប្រភេទសេ

ឪសថព្យាបាលថ្លើុមប្រភេទសេមានដូចជា

Sofosbuvir 400mg
Ledipasvir 90m g + Sofosbuvir 400mg
Daclatavir 60mg
Valpatavir 100mg + Sofosbuvir 400mg
Ribavari 400, 500mg

ចំពោះតំលៃទាំងនេះផងដែរ គឺគិតទៅតាមប្រភេទថ្នាំ និងប្រទេសដែលបានផលិត អាចចាប់ 400$ to 1200$

មានលក់នៅទីនេះ អាចធ្វើការទំនាក់ទំនងតាមរយះ ហ្វេសបុកឆាត។

Tuesday, March 21, 2017

ពេទ្យតែងតែណែនាំឲ្យប្តីនៅក្បែប្រពន្ធពេលសម្រាល ដឹងថាហេតុអ្វីដែរទេ?

ការដែលរស់នៅក្នុងផ្ទះមានវត្តមានក្មេងតូចៗពិតជារឿងមួយគួរឲ្យរីករាយណាស់។ ប៉ុន្តែការដែលបង្កើតកូនដើម្បីស្គាល់ពិភពលោកមួយនេះទំនងជាមិនសូវរីករាយឡើយជាសម្រាប់មនុស្សស្រីដែលកំពុងតែពរពោះ និងត្រៀមខ្លួនសម្រាលកូនតែម្តង ជាពិសេសត្រូវការសម្រាលតាមធម្មជាតិ។ ការសម្រាលកូនតាមធម្មជាតិគឺជាបទពិសោធន៍ដ៏ឈឺចាប់បំផុតដែលស្ត្រីត្រូវឆ្លងកាត់ក្នុងជីវិត។ វិធីតែមួយគត់ដើម្បីបំបាត់ការឈឺចាប់នេះគឺផ្តល់នូវការគាំទ្រទាំងអស់ដែលនាងត្រូវការក្នុងបន្ទប់សម្រាល។ នេះហើយគឺជាមូលហេតុមួយដែល ប្តីគួរតែស្ថិតក្នុងបន្ទប់សម្រាលកូនក្នុងពេលប្រពន្ធរបស់ខ្លួនឆ្លងទន្លេ។

ខាងក្រោមនេះគឺជាហេតុផលមួយចំនួនទៀតដែលប្តីគួរតែស្ថិតក្នុងបន្ទប់សម្រាលកូនក្នុងពេលដែលប្រពន្ធរបស់ខ្លួនឆ្លងទន្លេ៖

ប្តីអាចដើរតួនាទីជួយបំបាត់ការឈឺចាប់យ៉ាងធំក្នុងពេលប្រពន្ធខ្លួនឈឺចាប់ខ្លាំងក្នុងពេលសម្រាលកូន
ពេលខ្លះការសម្រាលកូនអាចមានរយៈពេលច្រើនម៉ោងពី ១២ ទៅ១៤ម៉ោងក៏មាន។ ស្ថិតក្នុងករណីនេះដែរ ប្តីអាចជួយបន្លប់អារម្មណ៍នៃការរងចាំ និងការឈឺចាប់របស់ប្រពន្ធខ្លួន។ ក្រៅពីនេះគាត់អាចជួយម៉ាស្សាដៃជើងដើម្បីជួយឲ្យប្រពន្ធកាន់តែមានផាសុកភាព។
ស្ថិតក្នុងស្ថានភាពឈឺចាប់ខាងផ្លូវកាយ និងផ្លូវចិត្តបែបនេះ ប្រពន្ធអាចនឹងងាយបាត់បង់អារម្មណ៍ផ្ចង់អារម្មណ៍ ហើយអាចចាប់ផ្តើមគិតន័យអវិជ្ជមានច្រើនក្នុងជីវិតក្រោយពីក្នុងពេលសម្រាល និងក្រោយសម្រាល។ ដូច្នេះកាលណាមានប្តីនៅក្បែរបែបនេះ គាត់អាចនឹងជួយផ្តល់កម្លាំងចិត្តដើម្បីជំរុញដល់ការគិតវិជ្ជមានកាន់តែច្រើនវិញ។
ប្តីអាចធ្វើទំនាក់ទំនងយ៉ាងល្អជាមួយបុគ្គលិកសុខាភិបាលថាគួរធ្វើដូចម្តេចខ្លះក្នុងពេលសម្រាល និងក្រោយសម្រាលដើម្បីកុំឲ្យមានផលវិបាកនៅថ្ងៃក្រោយ។
ការដែលអនុញ្ញាតិឲ្យប្តីចូលរួមក្នុងបន្ទប់សម្រាលកូន អាចនឹងជួយឲ្យគាត់យល់ដឹងថា ការឈឺចាប់របស់មនុស្សស្រីដែលជាប្រពន្ធរបស់ខ្លួនគឺខ្លាំងក្លាប៉ុន្មានដែលគាត់សុខចិត្តបង្កើតកូនសម្រាប់គ្រួសារ។
ប្តីអាចឆ្លាតឱកាសថតវីដេអូសម្រាលកូនរបស់ប្រពន្ធខ្លួនដើម្បីទុកជាឯកសាក្នុងគ្រួសារ។

ចង់ឲ្យកូនធំឡើងកាន់តែឆ្លាត ឪពុកម្តាយគប្បីធ្វើអាហារទាំងនេះឲ្យពួកគេញ៉ាំតាំងពីតូចៗទៅ

កូនតូចៗអាចទំនងជាចូលចិត្តញ៉ាំអាហារប្តេសផ្តាសច្រើន ប៉ុន្តែខួរក្បាលពួកគេគ្រាន់តែប្រាប់ថា ចូលចិត្តញ៉ាំអាហារដែលល្អៗប៉ុណ្ណោះ។ យ៉ាងណាមិញ អាហារដែលត្រឹមត្រូវ មានជាតិអូមេហ្គាបីខ្ពស់ អាចនឹងផ្តល់ឲ្យមានការលូតលាស់ខួរក្បាលកាន់តែល្អ និងទទួលបានភាពរីកចម្រើនខាងសរសៃប្រសាទប្រកបដោយសុខភាពទៀតផង។ ដូច្នេះ បើសិនជាឪពុកម្តាយគ្រប់រូបចង់ឲ្យកូនធំទៅឆ្លាតជាងក្មេងធម្មតា យកល្អគួរតែបង្គ្រាប់ពួកគេឲ្យញ៉ាំអាហារដូចខាងក្រោមនេះតាំងពីក្មេងទៅ៖

ផ្លែប័រ
ហេតុផលដ៏ល្អមួយរបស់ផ្លែប័រនោះគឺថា វាផ្ទុកទៅដោយជាតិខ្លាញ់ដ៏ល្អ ហើយវាក៏ជាតម្រូវការលូតលាស់របស់ខួរក្បាលក្មេងតូចៗដើម្បីទទួលបានការលូតលាស់ពេញលេញដែរ។ ក្មេងៗប្រហែលជាមិនចូលចិត្តរសជាតិរបស់វា ប៉ុន្តែកុំបារម្ភអី អ្នកគ្រាន់តែបញ្ចូលវាបន្តិចបន្តួចក្នុងរបបអាហារគេរាល់ថ្ងៃទៅបានហើយ។

ផ្លែប៉ោម
ក្មេងពិតជាចូលចិត្តណាស់នូវអ្វីដែលផ្អែម ហើយផ្លែឈើគឺជាអាហារផ្តល់សុខភាពដែលងាយស្រួលរកបំផុតសម្រាប់កូនអាចញ៉ាំបាន។ ខណៈពេលដែលផ្លែឈើទាំងអស់គឺល្អសម្រាប់ពួកគេ តែអង់ទីអុកស៊ីដង់ Quercetin ក្នុងផ្លែប៉ោមមានលក្ខណៈពិសេសជាងសម្រាប់ខួរក្បាល។ សារធាតុនេះអាចជួយបំបាត់អាការៈនៃការថយចុះជំនាញរបស់ផ្លូវចិត្ត និងជួយឲ្យក្មេងមានការផ្តោតអារម្មណ៍បានល្អ។ សម្រាប់អាហារពេលព្រឹករបស់ក្មេង យកល្អគួរតែចិតផ្លែឈើនេះជាដុំបួនជ្រុងឲ្យគេញ៉ាំលេងៗផង។

ស៊ុត
ស៊ុតប្រហែលជារបស់ដែលល្អបំផុតដែលអ្នកអាចឲ្យកូនញ៉ាំបាន ហើយក៏មិនបាច់ខ្វល់ថាវាមានបញ្ហាដែរ។ វាគឺជាអាហារដែលមានជីវជាតិបំផុតសម្រាប់រាងកាយទាំងមូលរបស់ក្មេង។ សម្រាប់ខួរក្បាល ស៊ុតពណ៌លឿងផ្នែកកណ្តាលអាចជួយបង្កើតជាសារធាតុចម្លងសរសៃប្រសាទ Acetylcholine ដើម្បីពង្រឹងដល់ការចងចាំរបស់ក្មេង។ ក្មេងភាគច្រើនចូលចិត្តញ៉ាំស៊ុតណាស់។

ទឹកដោះគោយ៉ាអួ
ទឹកដោះគោយ៉ាអួមានជាតិកាលស្យូម និងប្រូតេអ៊ីន ហើយក៏ជាចំណូលចិត្តរបស់ក្មេងៗភាគច្រើនដែរ។ អ្វីដែលគេមិនសូវដឹងនោះគឺថា យ៉ាអួអាចមានប្រយោជន៍ខ្លាំងចំពោះសុខភាពសរសៃប្រសាទរបសក្មេងៗ។ លើសពីនេះទៅទៀត សារធាតុប្រូបាយអូទិកក្នុងទឹកដោះគោយ៉ាអួ នឹងពង្រឹងដល់អារម្មណ៍ល្អរបស់មនុស្សដែលវា ស័ក្តិសមបំផុតសម្រាប់ក្មេងចេះដើរតេសតាស។

បន្លែពណ៌បៃតង
បន្លែពណ៌បៃតងដូចជា ស្ពៃស្ពីណាចផ្ទុកទៅដោយអង់ទីអុកស៊ីដង់ដ៏ខ្លាំងក្លាជាច្រើនដែលអាចការពាររ៉ាឌីកាលសេរីរំខានដល់ការលូតលាស់របស់ខួរក្បាលបាន។ វាក៏ជួយពង្រឹងដល់ភាពឆ្លាតវៃ និងបង្ការបញ្ហាលើសរសៃប្រសាទថែមទៀត។ យ៉ាងណាមិញ ការដែលឲ្យកូនញ៉ាំបន្លែគឺជារឿងពិបាកមួយ លុះត្រាតែអ្នកមានគំនិតឆ្នៃប្រឌិតបន្ថែម ព្រោះអ្វីៗគឺគ្មានឡើយថាមិនអាចទៅរួចឡើយ។

ត្រី
ត្រីសម្បូរខ្លាញ់ដូចជា ត្រីសាលម៉ុង ផ្ទុកទៅដោយខ្លាញ់អាស៊ីតអូមេហ្គាបី ដែលជាតម្រូវការដ៏សំខាន់មួយសម្រាប់ខួរក្បាលកុមារ។ វាជួយបង្ការការភ្លេចភ្លាំង និងការថយចុះជំនាញខាងផ្លូវចិត្ត។ យកល្អគួរតែយកត្រីប្រភេទនេះធ្វើជាម្ហូបឲ្យគេញ៉ាំផង។

ប្រេងអូលីវ
ប្រេងប្រភេទនេះមានជាតិខ្លាញ់អាស៊ីត Monounsaturated ខ្ពស់ ដែលល្អបំផុតសម្រាប់ការលូតលាស់របស់ខួរក្បាល។ ដូច្នេះសម្រាប់ការធ្វើម្ហូបឆា ឬចៀន យកល្អគួរតែប្រេងប្រភេទនេះទៅ ជាពិសេសអាហាររបស់ក្មេងៗតែម្តង៕

គន្លឹះធ្វើឲ្យកូនបាត់យំ ត្រឹមតែប៉ុន្មានវិនាទីប៉ុណ្ណោះ

តើកូនរបស់អ្នកកំពុងតែឃ្លានមែនទេ? បើមែន ឲ្យគេបៅ នោះគេនឹងបាត់យំភ្លាមមួយរំពេច ប៉ុន្តែ ប្រសិនបើរកមូលហេតុមិនទាន់ឃើញទេ សូមធ្វើតាមការណែនាំខាងក្រោមនេះ។

១. ចាក់ចម្រៀង ឬគោះរបស់របរឲ្យលឺជាសំឡេង (គេយំ ប្រហែលជាធុញទ្រាន់)

២. អង្រួន ឬប្រលែងលេងជាមួយកូន (គេយំ ប្រហែលជាដោយសារអផ្សុក)

៣. ម៉ាស្សាពោះឲ្យកូន (គេប្រហែលជាចុកពោះ ហើមពោះ ឬមិនស្រួលក្នុងពោះហើយ ទើបគេយំដោយមិនដឹងមូលហេតុបែបនេះ)

៤. ចាក់វីដេអូឲ្យគេមើល ដើម្បីបន្លប់ ឬធ្វើឲ្យគេសប្បាយរីករាយ

៥. បំបៅកូនតាមវិធីផ្សេង ពីព្រោះ គេប្រហែលជាបៅមិនស្រួលហើយ ទើបយំបែបនេះ

៦. ពិនិត្យមើលដៃជើង ឬខ្លួនប្រាណរបស់គេ ថាមិនត្រូវ វាអាចជាសក់ ឬកម្ទេចកម្ទីចាក់សាច់ ឬសត្វខាំជាដើម៕

Thursday, February 2, 2017

ពេលលេបថ្នាំផ្សះ ត្រូវជៀសវាងការពាាុំអាហារដូចខាងក្រោម

តើអ្នកមានដឹងទេថា មានអាហារ និងភេសជ្ជៈជាច្រើន អាចរំខានដល់ការជាសះស្បើយរបស់ជំងឺ ក្នុងពេលប្រើថ្នាំផ្សះដែរទេ? មែនហើយគ្មាននរណម្នាក់ ចង់ឲ្យជំងឺរបស់ខ្លួន បន្តជាប់រហូតគ្មានថ្ងៃជាសះស្បើយនោះទេ។ យ៉ាងណាមិញ មានអាហារមួយចំនួន ដែលអ្នកគួរចៀសវាង បើសិនជាមិនចង់ឲ្យថ្នាំផ្សះ ដែលអ្នកកំពុងតែប្រើព្យាបាលជំងឺនោះ បន្ថយប្រសិទ្ធភាពរបស់វា។

អាហារធ្វើពីទឹកដោះគោ
ហ្វ្រូម៉ាត ការ៉េមទឹកដោះគោ ទឹកដោះគោ ប័រ សុទ្ធតែជាអាហារ ដែលអាចរំខានដល់ប្រសិទ្ធភាព របស់ថ្នាំផ្សះបាន ព្រោះថាវាសម្បូរទៅដោយជាតិកាល់ស្យូម ដែលអាចរំខានដល់ការបឺតស្រូប របស់ថ្នាំផ្សះចូលចរន្តឈាម។ យ៉ាងណាមិញ មានអាហារធ្វើពីទឹកដោះគោមួយប្រភេទ ដែលអាចញ៉ាំបាននោះ គឺទឹកដោះគោយាអួរ ព្រោះវាមានសារធាតុប្រូបាយអូទិច ដែលជួយថែរក្សាពោះវៀន ឲ្យមានសុខភាពល្អ និងបង្ការជំងឺរាក ជាពិសេស ផលរំខាននានារបស់ថ្នាំផ្សះតែម្តង។

អាហារសម្បូរជាតិដែក
ជាតិដែក មិនសូវខុសគ្នានឹងជាតិកាល់ស្យូមទេ គឺវាធ្វើឲ្យរាំងស្ទះ ដល់ការបឺតស្រូបថ្នាំផ្សះ ចូលចរន្តឈាម។ ថ្លើមមាន់ សាច់ក្រហម អ័យស្ទ័រ បន្លែពណ៌បៃតងចាស់ សូកូឡាខ្មៅ គួរណាតែកាត់បន្ថយការញ៉ាំសិន នៅពេលកំពុងតែប្រើថ្នាំផ្សះ។ តើអ្នកកំពុងតែប្រើថ្នាំបំប៉ន ឬថ្នាំវីតាមីនចម្រុះ ដែលមានជាតិដែកមែនទេ? បើសិនជាអញ្ជឹងមែន ចូរញ៉ាំវាក្រោយពេលញ៉ាំថ្នាំផ្សះរួច យ៉ាងហោចណាស់ ៣ ម៉ោងដើម្បីជំរុញដល់ការបឺតស្រូបកាន់តែល្អ។

គ្រឿងស្រវឹង
ការពិតរបស់គ្រឿងស្រវឹងនោះគឺថា វាមិនមានឥទ្ធិពលអ្វី ទៅលើការបឺតស្រូបរបស់ថ្នាំផ្សះឡើយ។ ដូច្នេះ អ្វីដែលជាហេតុផលនោះគឺថា វាងាយនឹងធ្វើឲ្យវិលមុខ និងមានបញ្ហាក្រពះពោះវៀនខ្លាំង ដូចជាការរាកជាដើម ខណៈពេលប្រើជាមួយថ្នាំផ្សះ។

ផ្លែឈើជូរៗ
យើងទាំងអស់គ្នា សុទ្ធតែដឹងហើយថា ការញ៉ាំផ្លែឈើជូរៗ គឺជាមធ្យោបាយដ៏អស្ចារ្យមួយ ដើម្បីទទួលបានប្រយោជន៍ ចំពោះសុខភាព ជាពិសេស ពង្រឹងដល់ប្រព័ន្ធភាពស៊ាំតែម្តង តាមរយៈវីតាមីន C ។ យ៉ងាណាមិញ បើសិនជាអ្នកត្រូវប្រើថ្នាំផ្សះហើយ វាពិតជារឿងដែលត្រូវហាមប្រាមហើយ ចំពោះផ្លែឈើជូរ ព្រោះវាមានឥទ្ធិពលអវិជ្ជមាន ទៅលើរបៀបនៃការបឺតស្រូប ថ្នាំផ្សះចូលទៅក្នុងខ្លួន។

អាហារមានជាតិសរសៃខ្ពស់
ការញ៉ាំអាហារសម្បូរជាតិសរសៃរាល់ថ្ងៃ គឺជារឿងល្អមួយ ចំពោះសុខភាពមនុស្ស។ យ៉ាងណាមិញ វាអាចនឹងជាបញ្ហាវិញ បើសិនជាអ្នកត្រូវការប្រើថ្នាំផ្សះដែរ ព្រោះវា អាហារសម្បូរជាតិសរសៃ ទៅបន្ថយរយៈពេលនៃការរំលាយអាហារក្នុងក្រពះ នឹងការបឺតស្រូបរបស់ថ្នាំផ្សះបាន៕

អត្តប្រយោជន៏របស់វីតាមីន អើ

មិនមានមនុស្សច្រើនទេ ដែលដឹងអំពីគុណប្រយោជន៍ ដ៏សំខាន់របស់វីតាមីន E ចំពោះសុខភាព។ វីតាមីន E មិនមានអត្ថប្រយោជន៍ដូចគ្នា នឹងវីតាមីន C, D កាល់ស្យូម និង Folate ឡើយ។ ដើម្បីដឹងអំពីអត្ថប្រយោជន៍ ពេញលេញរបស់វីតាមីន E សូមតាមដានដូចខាងក្រោមនេះ ៖

អង់ទីអុកស៊ីដង់ប្រឆាំងនឹងរ៉ាឌីកាល់សេរី
អ្វីដែលអង់ទីអុកស៊ីដង់ធ្វើ គឺទៅតោងជាមួយនឹងអុកស៊ីសែនក្នុងរាងកាយ និងការពារវីតាមីនផ្សេងៗទៀតដូចជា វីតាមីន A ពីការខូចខាត ដូច្នេះ វាក៏អាចត្រូវបានបឺតស្រូប ចូលទៅក្នុងខ្លួនកាន់តែស្រួលដែរ។ អង់ទីអុកស៊ីដង់ ក៏មានសារៈសំខាន់ សម្រាប់ភ្នាសរបស់កោសិកាដែរ។ ការសិក្សជាច្រើនបង្ហាញថា វីតាមីន E អាចជួយបង្ការបញ្ហាបេះដូង ដែលទាក់ទងនឹងភាពចាស់ទៅតាមអាយុបាន។

រំលាយកំណកឈាម
រឿងនេះមានសារៈសំខាន់ណាស់ ក្នុងការរំលាយកំណកឈាម ដែលខុសប្រក្រតី ចេញពីសរសៃឈាម ជាពិសេស សរសៃឈាមអាកទែតែម្តង ដូច្នេះ វាក៏មានប្រយោជន៍ ក្នុងការបង្ការជំងឺបេះដូងច្រើនប្រភេទដែរ។

ការពារ DNA និងកោសិកា
វីតាមីន E ត្រូវបានគេស្គាល់ថា មានប្រយោជន៍ដល់ការការពារ DNA និងកោសិកាពីសារធាតុបង្កមហារីក។ វានឹងទៅបញ្ឈប់ដុំសាច់មហារីក កុំឲ្យលូតលាស់ផង និងបង្កើនមុខងារប្រព័ន្ធភាពស៊ាំ ប្រឆាំងនឹងបាក់តេរី ដែលអាចកើតជាភ្នាក់ងារមហារីកផង។ ការសិក្សាបានបង្ហាញថា វីតាមីន E អាចបញ្ឈប់ជំងឺមហារីកស្បែកបាន នៅពេលលាបលើស្បែកទៀងទាត់ ជាពិសេស អ្នកដែលចេញទៅក្រៅផ្ទះ ហាលថ្ងៃច្រើនតែម្តង។

ជួយអ្នកជំងឺទឹកនោមផ្អែម
ជំងឺទឹកនោមផ្អែម ច្រើនតែមានបញ្ហាទៅលើ អាំងស៊ុយលីនធ្វើការមិនបានល្អ ប៉ុន្តែ ជាមួយនឹងជំនួយរបស់វីតាមីន E ការផលិតអាំងស៊ុយលីន នឹងអាចមានលក្ខណៈស្រួលបួលឡើងវិញ។ ក្រៅពីនេះការរំលាយជាតិស្ករក្នុងឈាមនឹងល្អវិញ នៅពេលអ្នកញ៉ាំវីតាមីន E គ្រប់គ្រាន់។

បន្ថយកូឡេស្តេរ៉ុល
អត្ថប្រយោជន៍ផ្សេងមួយទៀត នៃការញ៉ាំវីតាមីន E គឺថា វាអាចជួយកាត់បន្ថយកូឡេស្តេរ៉ុលក្នុងឈាមបាន។ កូឡេស្តេរ៉ុលទាប មានន័យថា អ្នកក៏មិនងាយមានបញ្ហាបេះដូង ដូចជា ដាច់សរសៃឈាមខួរក្បាល និងគាំងបេះដូងដែរ។

ពង្រឹងដល់សុខភាពស្បែក
រឿងនេះគួរតែអរគុណ ដល់អង់ទីអុកស៊ីដង់របស់វីតាមីន E ហើយ ដែលអាចជួយឲ្យស្បែកមានសុខភាពល្អ និងស្រស់ស្អាត។ សក់អ្នកក៏នឹងទទួលបាន ប្រយោជន៍ពីវីតាមីន E ដែរ ព្រោះវានឹងជំរុញដល់របត់ឈាមរត់ ទៅក្នុងស្បែកក្បាល ដើម្បីជួយឲ្យសក់នោះ លូតលាស់កាន់តែមានសុខភាពល្អ។ វីតាមីន E ត្រូវបានគេរកឃើញថា អាចព្យាបាលបញ្ហាស្បែកច្រើនប្រភេទដូចជា ជំងឺមុន ស្នាមស្បែក និងស្បែកជ្រីវជ្រួញយ៉ាងមានប្រសិទ្ធភាព។

ទប់ស្កាត់ភាពអស់កម្លាំង
សព្វថ្ងៃនេះ មនុស្សយើងមានការងារធ្វើច្រើនណាស់ ក្នុងពេលតែមួយ ហើយវាក៏មិនមានអ្វីភ្ញាក់ផ្អើលដែរ ដែលពេលខ្លះ អាចនឹងមានអារម្មណ៍អស់កម្លាំង។ អ្វីដែលជាដំណឹងល្អនោះគឺថា វីតាមីន E អាចជួយប្រឆាំង នឹងភាពអស់កម្លាំងអ្នកបាន។

សរុបសេចក្តីមក វីតាមីន E ដើរតួនាទដ៏សំខាន់មួយ ចាប់ពីលុបបំបាត់ការឡើងខ្ពស់ របស់កូឡេស្តេរ៉ុល រហូតដល់ជួយដល់សុខភាពសក់ និងស្បែក។ ការញ៉ាំអាហារសម្បូរវីតាមីន E ខ្ពស់ក៏អាចផ្តល់នូវសុខភាពបានដែរ ដូច្នេះហើយ ចូរប្រាកដថា អ្នកបានជ្រើសរើសម្ហូបបានត្រឹមត្រូវដែរ៕

Thursday, January 19, 2017

តើនរណាខ្លះ មានអាការៈចង្អោ ពេលលេបថ្នាំបំប៉នវីតាមីន?

វីតាមីនត្រូវបានគេចាត់ទុកថាជា សារធាតុអំណោយផលមួយសម្រាប់មុខងាររបស់រាងកាយជាច្រើនក្នុងខ្លួនមនុស្សយើង ប៉ុន្តែការប្រើថ្នាំបំប៉នជាប្រភេទវីតាមីន ច្រើនតែធ្វើឲ្យអ្នកមានអារម្មណ៍ចង់ក្អួត។ យ៉ាងណាមិញ វាគឺជាបញ្ហាដែលកើតមានជាញឹកញាប់បំផុត។ ខាងក្រោមនេះគឺជាការបកស្រាយថា ហេតុអ្វីបានជាញ៉ាំថ្នាំគ្រាប់បំប៉នវីតាមីនធ្វើឲ្យមនុស្សយើងងាយនឹងចង់ក្អួតម្លេះ។

ការញ៉ាំថ្នាំវីតាមីនប្រភេទរលាយក្នុងខ្លាញ់ច្រើនពេក
ថ្នាំវីតាមីនដែលរលាយក្នុងខ្លាញ់មានដូចជា វីតាមីនA, D, E និង K ដែលអាចធ្វើឲ្យយើងមានអារម្មណ៍មិនស្រួលបាននៅពេលប្រើប្រាស់ ឬលេបវាច្រើនពេក។ វីតាមីនទាំងនេះអាចនឹងលើសចំនួនក្នុងខ្លួនបានបើសិនជាប្រើច្រើនពេក ដូច្នេះនឹងបង្កជាអាការៈក្អួតចង្អោ ហើយក៏មិនបាត់ទៅវិញដែរទោះបីជាប្រើរួចរយៈពេលពីរបីម៉ោងហើយក៏ដោយ។ ដូច្នេះបើសិនជាអ្នកសម្គាល់ឃើញថា មានអាការៈចង្អោរ៉ាំរ៉ៃ ចូរពិគ្រោះជាមួយគ្រូពេទ្យដើម្បីរកមូលហេតុ និងដំណោះស្រាយទៅ។

ការប្រើវីតាមីនច្រើនពេកអាចធ្វើឲ្យមានការរលាកបាន
អារម្មណ៍មិនស្រួលក្នុងក្រពះក៏អាចកើតឡើងដោយសារតែការប្រើវីតាមីនច្រើនពេកដែរ ជាពិសេសវីតាមីន C, E និងជាតិដែក ព្រោះវាបង្កជាការរលាកក្រពះបាន។ អ្នកក៏ទំនងជាមានអារម្មណ៍ចង់ក្អួតដែរបើសិណជាញ៉ាំវាច្រើនជាងតម្រូវការប្រចាំថ្ងៃ ៧៥មីលីក្រាមសម្រាប់វីតាមីន C, ១៨ក្រាមសម្រាប់ជាតិដែក និង ១៥មីលីក្រាមសម្រាប់វីតាមីន E។ បើសិនជាវីតាមីនចម្រុះមានជីវជាតិទាំងបីនេះខ្ពស់មែន អ្នកនឹងទំនងជាមានអារម្មណ៍ចង់ក្អួត និងមិនស្រួលក្នុងក្រពះហើយ។ ដូច្នេះយកល្អគួរតែផ្លាស់ប្តូរថ្នាំនេះចេញ។

ការលេបថ្នាំវីតាមីនពេលអត់មានអាហារក្នុងពោះ
ការប្រើវីតាមីនទាំងក្រពះមិនមានអាហារក៏អាចធ្វើឲ្យចង្អោបានដែរ។ មិនខ្វល់ថាអ្នកញ៉ាំវីតាមីនប្រភេទអ្វីទេ វាសុទ្ធតែបង្កជាការរលាកតិចតួចនៅលើក្រពះបានទាំងអស់បើសិនជាមិនមានញ៉ាំអាហារសោះនោះ។ រឿងដ៏ល្អបំផុតនោះគឺញ៉ាំអាហារឲ្យរួចសិនចាំលេបវីតាមីនតាមក្រោយ។

លេបថ្នាំវីតាមីនដែលមានសំបក
ការចង្អោក៏អាចកើតមានដែរ នៅពេលថ្នាំគ្រាប់វីតាមីនដែលអ្នកប្រើនោះមានសម្បកក្រាសពេក ព្រោះវាមិនងាយរលាយ ដូច្នេះអាចបង្កជាការរលាកថែមទៀត។ ថ្នាំវីតាមីនដែលញ៉ាំដោយការទំពារបានគឺជាជម្រើសដ៏ល្អជាង៕

Wednesday, January 18, 2017

អ្វីទៅជាថ្នាំផ្សះ? វាមានប្រសិទ្ធភាពដូចម្តេចទៅ?

ថ្នាំផ្សះគឺជាថ្នាំសម្រាប់ជួយសង្គ្រោះជីវិតអ្នកជំងឺ។ សព្វថ្ងៃនេះ មានមនុស្សជាច្រើនបានប្រើថ្នាំប្រភេទនេះក្នុងការព្យាបាលជំងឺ ហើយក៏ជាហេតុផលមួយធ្វើឲ្យមេរោគជាច្រើនស៊ាំថ្នាំទាំងអស់នេះដែរ មានន័យថា ទោះបីជាយើងប្រើថ្នាំនេះក៏វាមិនអាចព្យាបាលជំងឺ ឬសម្លាប់មេរោគក្នុងរាងកាយបានដែរ។ ដើម្បីបញ្ឈប់ទង្វើរទាំងអស់នេះកុំឲ្យវាកាន់តែធ្ងន់ធ្ងរទៅៗនោះ យើងល្អយើងគួរតែយល់ដឹងឲ្យច្បាស់សិនថា តើវាប្រើប្រាស់របៀបណាទើបមានសុវត្ថិភាព និងប្រសិទ្ធភាព។

ថ្នាំផ្សះគឺជាម៉ូលេគុលតូចៗ (តូចជាងមូលេគុលទឹករហូតដល់ ១០០ដងឯណោះ) ដែលអាចមានសមត្ថភាពរំខានដល់ដំណើការធម្មតារបស់បាក់តេរីបាន។ វាត្រូវបានចែកចេញជាក្រុមផ្សេងៗពីគ្នាដើម្បីងាយស្រួលក្នុងការព្យាបាលជំងឺដូចជា ជំងឺរបេះដូង រលាកសួតដោយសារបាក់តេរី រលាកបំពង់ក ការបង្ករោគនៅផ្លូវទឹកម៉ូត្រ និងការបង្ករោគផ្សេងៗទៀតដែលបង្កឡើងដោយបាក់តេរី។ សរុបសេចក្តីមក ថ្នាំផ្សះ ឬហៅថាថ្នាំអង់ទីប៊ីយ៉ូទិច ជាថ្នាំសម្រាប់ព្យាបាលជំងឺទាំងឡាយណាដែលបង្កឡើងដោយបាក់តេរីតែប៉ុណ្ណោះ។ របៀបនៃថ្នាំផ្សះសម្លាប់បាក់តេរីមានពីរប្រភេទ គឺសម្លាប់ដោយផ្ទាល់ (Bactericidal) និង សម្លាប់ដោយការទប់ស្កាត់ការលូតលាស់របស់វា (Bacteriostatic)៕

Tuesday, January 17, 2017

ផលរំខានដែលអាចកើតមាននៅពេលប្រើប្រាស់ថ្នាំផ្សះ

គ្រូពេទ្យខាងជំនាញជំងឺទូទៅបាននិយាយថា ក្រោយពីប្រើថ្នាំផ្សះរយៈពេលយូរ អ្នកជំងឺច្រើនតែមានបញ្ហារំលាយអាហារច្រើនជាពិសេសទល់លាមក ឬរាករូសតែម្តង។ ប៉ុន្តែមិនមែនមានន័យថា អ្នកត្រូវឈប់លេបថ្នាំឡើយ។ ចូរពិគ្រោះជាមួយគ្រូពេទ្យ និងប្រាប់ពួកគាត់អំពីរឿងនេះទៅ ពេលនោះគាត់នឹងផ្លាស់ប្តូរថ្នាំផ្សេងដែលមានលក្ខណៈដូចគ្នាឲ្យអ្នកប្រើវិញហើយ។

ផលរំខាននៃថ្នាំផ្សះដែលកើតមានជាញឹកញាប់មួយចំនួនមានដូចជា៖
•    រាករូស
•    ឈឺក្រពះតិចតួច
•    ចង្អោ
•    មិនឃ្លានអាហារ
•    ហើមពោះ និងក្រពះមិនកិនអាហារ
•    មានប្រតិកម្មអាឡែហ្ស៊ីដូចជា កណ្តាស ក្អក និងបេះដូងដើរកាន់តែលឿន

អ្នកគួរតែស្វែងរកជំនួយពីគ្រូពេទ្យបើសិនជាអ្នកធ្លាប់មានអាការៈ ឬផលរំខាននៃថ្នាំផ្សះដូចខាងក្រោមនេះ៖
•    ឈឺក្រពះ និងរាករូសខ្លាំងក្លា
•    ពិបាកដកដង្ហើម
•    ក្អួត
•    មានប្រតិកម្មអាឡែហ្ស៊ីធ្ងន់ធ្ងរ (ហើមមុខ ភ្នែក ឬអណ្តាត)
•    រមាស់នៅទ្វារមាស

ចូរពិគ្រោះជាមួយគ្រូពេទ្យផងមុនពេលអ្នកសម្រេចចិត្តប្រើថ្នាំផ្សះបើសិនជាអ្នកត្រូវបានគ្រូពេទ្យណែនាំឲ្យប្រើថ្នាំតាមវេជ្ជបញ្ជាដូចខាងក្រោមនេះ៖
•    ថ្នាំគ្រាប់ពន្យាកំណើត
•    ថ្នាំរំលាយកំណកឈាម
•    ថ្នាំសម្រាប់ព្យាបាលជំងឺទឹកនោមផ្អែមដូចជា អាំងស៊ុយលីន
•    ថ្នាំបន្សាបអាស៊ីតក្រពះ
•    ថ្នាំបំបាត់ការឈឺក្បាលបែបប្រកាំង
•    ថ្នាំបញ្ចុះកូឡេស្តេរ៉ុល
•    ថ្នាំបំបាត់ការបាក់ទឹកចិត្ត
•    ថ្នាំបំប៉នវីតាមីន

អ្វីដេលគួរប្រុងប្រយ័ត្នខណៈពេលកំពុងតែប្រើថ្នាំផ្សះ៖
•    មិនត្រូវទុកថ្នាំផ្សះប្រើនៅថ្ងៃក្រោយឡើយ
•    ការប្រើថ្នាំផ្សះមិនគ្រប់ចំនួនតាមការណែនាំពីគ្រូពេទ្យ អាចនាំឲ្យរេស៊ីស្តង់ថ្នាំផ្សះបាន
•    ចូរប្រាប់គ្រូពេទ្យផងបើសិនជាអ្នកមានប្រតិកម្មអាឡែហ្ស៊ីនឹងថ្នាំផ្សះកាលពីមុន
•    អ្នកក៏គួរតែប្រាប់គ្រូពេទ្យផងបើសិនជាកំពុងតែមានផ្ទៃពោះ ឬបំបៅដោះកូន ដូច្នេះគាត់នឹងជ្រើសរើសថ្នាំផ្សះណាមួយដែលស័ក្តិសមសម្រាប់អ្នកជាងគេវិញ៕

សារៈសំខាន់ និងអ្វីដែលអ្នកមិនធ្លាប់ដឹងអំពី វីតាមីន B

វីតាមីន B កំផ្លេច គឺជាវីតាមីនមួយក្រុមដែលបង្កើតឡើងដោយវីតាមីន B ៨ប្រភេទខុសៗគ្នា ដែលវាត្រូវបានគេស្គាល់ថា ជាវីតាមីនរលាយក្នុងទឹក។ វីតាមីនទាំង ៨នេះធ្វើការជាមួយគ្នាដើម្បីបង្កើនថាមពលក្នុងរាងកាយតាមរយៈការរំលាយអាហារទៅជាថាមពល។

វីតាមីនេះនេះសុទ្ធតែសំខាន់ទាំងអស់ក្នុងការផ្តល់នូវការលូតលាស់ និងធំធាត់ ព្រមទាំងត្រូវបានអ័រម៉ូន កោសិកាគ្រាប់ឈាម និងប្រព័ន្ធសរសៃប្រសាទយកទៅប្រើប្រាស់។ ដូច្នេះយកល្អគួរតែយល់ថា សមាជិកនៃក្រុមវីតាមីន B នីមួយៗមានអ្វីខ្លះ មានប្រភពមកពីណាខ្លះ។

B1 •    មានឈ្មោះម្យ៉ាងទៀតហៅថា Thiamine
•    ជួយបង្ការភាពស្ត្រេស
•    ការពារប្រព័ន្ធភាពស៊ាំ
•    បង្កើតកោសិកាថ្មីៗក្នុងរាងកាយ
•    មនុស្សយើងកម្រកង្វះវីតាមីននេះណាស់ តែបើមានមែន វានឹងធ្វើឲ្យមានជំងឺសរសៃប្រសាទជាពិសេស Encephalopathy
•    ប្រភពដ៏ល្អបំផុត៖ សណ្តែកដី និងស្ពៃស្ពីណាច

B2•    មានឈ្មោះម្យ៉ាងទៀតហៅថា Riboflavin
•    ជាអង់ទីអុកស៊ីដង់សម្រាប់ប្រឆាំងនឹងរ៉ាឌីកាលសេរី
•    បង្ការជំងឺបេះដូង
•    ទប់ស្កាត់ឥទ្ធិពលនៃភាពចាស់មុនអាយុ
•    ជួយដល់ការផលិតគ្រាប់ឈាមក្រហម
•    កង្វះវីតាមីននេះអាចបណ្តាលឲ្យជ្រុះសក់ កង្វះគ្រាប់ឈាម បញ្ហាលើស្បែក និងជំងឺថ្លើម
•    ប្រភពដ៏ល្អបំផុត៖ យ៉ាអួ ស៊ុត ស្ពៃស្ពីណាច ផ្លែអាលម៉ុន និងសណ្តែកសៀង

B3•    មានឈ្មោះម្យ៉ាងទៀតហៅថា Niacin
•    ជួយពង្រឹងដល់របត់ឈាមរត់
•    បង្កើនកូឡេស្តេរ៉ុលល្អ
•    ផលិតអ័រម៉ូន
•    កង្វះវីតាមីននេះអាចបណ្តាលឲ្យ គេងមិនលក់ រាករូស ខ្សោយ និងប្រេះស្បែក
•    ប្រភពដ៏ល្អបំផុត៖ បន្លែពណ៌បៃតង ស៊ុត ទឹកដោះគោ និងសណ្តែក

B5•    មានឈ្មោះម្យ៉ាងទៀតហៅថា Pantothenic Acid
•    ជួយបង្កើនថាមពល
•    ជួយបំបែកកាបូអ៊ីដ្រាត និងខ្លាញ់
•    ជួយផលិតអ័រម៉ូនភេទប្រុសតេស្តូស្តេរ៉ូន និងផ្សេងៗទៀត
•    អ្នកជំងឺកម្រនឹងកង្វះវីតាមីននេះណាស់ តែបើមានគឺបណ្តាលឲ្យកើតមុនធ្ងន់ធ្ងរ។
•    ប្រភពដ៏ល្អបំផុតគឺ៖ ផ្លែប័រ ពពួកគ្រាប់បន្លែងមានសំបក សាច់ និងស៊ុត

B6•    មានឈ្មោះម្យ៉ាងទៀតហៅថា Pyridoxine
•    ជួយសម្រួលដល់កម្រិត Homocysteine
•    ជួយផលិតអ័រម៉ូនមួយចំនួន
•    ជួយជំរុញដល់អារម្មណ៍កាន់តែល្អ
•    ការកង្វះវីតាមីនមួយនេះ អាចបណ្តាលឲ្យមានការរលាករ៉ាំរ៉ៃ និងបញ្ហាសរសៃប្រសាទបាន។
•    ប្រភពដ៏ល្អបំផុត៖ សាច់មាន់ ត្រីសាលម៉ុង សណ្តែក អង្ករសម្រូប ការ៉ុត និងគ្រាប់ផ្កាឈូករ័ត្ន

B7•    វីតាមីននេះត្រូវបានគេស្គាល់ថាជាវីតាមីនសម្រស់ ព្រោះរាល់ផលិតផលថែរសម្រស់ក្រចក សក់ និងស្បែកសុទ្ធតែមានវាទាំងអស់
•    ជួយគ្រប់គ្រងជាតិស្ករក្នុងឈាម
•    ជួយជំរុញដល់ការលូតលាស់ និងធំធាត់ធម្មតារបស់ទារកក្នុងផ្ទៃ
•    កង្វះវីតាមីនមួយនេះគឺផ្តល់ហានិភ័យដល់ទារកក្នុងផ្ទះ និងបង្កជាការមិនលូតលាស់តែម្តង
•    ប្រភពដ៏ល្អបំផុត៖ ត្រី ដំឡូងបារាំង និងគ្រាប់ផ្លែឈើ

B9•    វាមានឈ្មោះម្យ៉ាងទៀតហៅថា Folate ឬ Folic Acid
•    ត្រូវបានគេប្រើដើម្បីជំរុញដល់ការលូតលាស់របស់ទារកក្នុងផ្ទៃ ព្រោះវាអាចបង្ការការខូចសរសៃប្រសាទលើទារកមិនទាន់កើតបាន
•    វាក៏មានប្រយោជន៍ក្នុងការជំរុញដល់ការលូតលាស់ខួរក្បាល និងការចងចាំល្អ និងកាត់បន្ថយភាពស្ត្រេសដែរ
•    កង្វះជីវជាតិមួយនេះអាចបណ្តាលឲ្យ កង្វះគ្រាប់ឈាម
•    ប្រភពដ៏ល្អបំផុត៖ បន្លែពណ៌បៃតងចាស់ ត្រីសាលម៉ុង និងទឹកដោះគោ

B12•    ឈ្មោះវាម្យ៉ាងទៀតហៅថា Cobalamin ដែលវាត្រូវការធ្វើការជាមួយនឹង B9 ដើម្បីបង្កើតគ្រាប់ឈាមក្រហមបាន
•    កង្វះជីវជាតិមួយនេះ អាចបណ្តាលឲ្យកើតជំងឺកង្វះគ្រាបឈាម Macrocytic Aniema, បាត់បង់ការចងចាំ និងជំងឺសរសៃប្រសាទចុងដៃចុងជើង
•    ប្រភពដ៏ល្អបំផុត៖ ត្រី សត្វមានសំបក សាច់គោ និងអាហារធ្វើពីទឹកដោះគោ

ខណៈពេលដែលយើងអាចទទួលបានវីតាមីនទាំងអស់ខាងលើតាមរយៈការញ៉ាំថ្នាំបំប៉នវីតាមីន ការញ៉ាំអាហារសម្បូរវីតាមីន B កំផ្លេចអាចផ្តល់នូវជីវជាតិផ្តល់សុខភាពដែលរាងកាយត្រូវការបានគ្រប់គ្រាន់៕

Monday, January 16, 2017

នៅពេលប្រើប្រាស់ឪសថបំបាត់ការឈឺចាប់ តើយើងគួរចៀសវាងអ្វីខ្លះដើម្បីកុំអោយមានគ្រោះថ្នាក់?

ថ្នាំបំបាត់ការឈឺចាប់ដែលអាចប្រើដោយខ្លួនឯងបាន និងដោយគ្មានវេជ្ជបញ្ជា ត្រូវបានគេហៅម្យ៉ាងទៀតថា OTC ដែលជាទូទៅគឺមានសុវត្ថិភាព និងប្រសិទ្ធភាពបើសិនជាប្រើប្រាស់បានត្រឹមត្រូវ។ ប៉ុន្តែបើសិនជាប្រើខុស អ្នកអាចនឹងធ្វើឲ្យខ្លួនឯងប្រឈមខ្លាងនឹងការប្រើលើសកម្រិត គ្រោះថ្នាក់ដល់តម្រងនោម និងផលវិបាកធ្ងន់ធ្ងរផ្សេងៗទៀត។ ដូច្នេះហើយ តើអ្នកមានដឹងថាខ្លួនឯងកំពុងតែសាងកំហុសអ្វីខ្លះដែរទេនៅពេលប្រើថ្នាំ OTC ដើម្បីបំបាត់ការឈឺចាប់?

ប្រើក្នុងកម្រិតទ្វេដង
មនុស្សជាច្រើនជឿថា ថ្នាំនឹងមានប្រសិទ្ធភាពកាន់តែខ្លាំងនៅពេលប្រើវាក្នុងកម្រិតទ្វេដង។ យ៉ាងណាមិញ ការធ្វើបែបនេះវាគ្រាន់តែបង្កើនផលរំខាន ឬការពុលរបស់ថ្នាំប៉ុណ្ណោះទេ។ ឧទាហរណ៍ ការញ៉ាំថ្នាំប៉ារ៉ាសេតាម៉ុលច្រើនពេក ធាតុផ្សំសកម្មរបស់វានឹងនាំឲ្យពុលបាន។

ប្រើថ្នាំ OTC បំបាត់ឈឺចាប់ញឹកញាប់ពេក
អ្នកមិនគួរណាញ៉ាំថ្នាំបំបាត់ការឈឺចាប់ OTC ច្រើនជាងមួយ ឬពីរថ្ងៃក្នុងមួយខែឡើយលុះត្រាតែមានការណែនាំពីគ្រូពេទ្យ។ តើអ្នកមានដឹងទេថា ការញ៉ាំថ្នាំប៉ារ៉ាសេតាម៉ុលញឹកញាប់ពេកអាចប្រឈមកាន់តែខ្លាំងនឹងការខ្សោយថ្លើម និងស្លាប់ដែរទេ?

អ្នកគិតថារាល់ថ្នាំ OTC ទាំងអស់សុទ្ធតែដូចគ្នា
ខណៈពេលកំពុងតែជ្រើសរើសថ្នាំបំបាត់ការឈឺចាប់ អ្នកគួរតែចាំថា គ្រាន់តែមានថ្នាំមួយមុខនៅផ្ទះអាចប្រើបានទៅគឺបានហើយ។ ឧទាហរណ៍ ថ្នាំប្រភេទ Ibuprofen គឺជាជម្រើសដ៏ល្អបំផុតសម្រាប់ការហើម ឬរលាកសន្លាក់ ប៉ុន្តែវាប្រហែលជាមិនមានប្រសិទ្ធភាពបំបាត់ការឈឺក្បាលឡើយ។

ប្រើថ្នាំបំបាត់ការឈឺចាប់ OTC ជាមួយថ្នាំចេញដោយវេជ្ជបញ្ជាពីគ្រូពេទ្យ
ថ្នាំមានវេជ្ជបញ្ជាជាច្រើនគឺផ្ទុកទៅដោយប៉ារ៉ាសេតាម៉ុល ហើយបើសិនជាអ្នកមិនបានមើលក្រដាសវេជ្ជបញ្ជាទេ ហើយលេបថ្នាំប៉ារ៉ាសេតាម៉ុលបន្ថែមទៀតនោះ អ្នកពិតជាមានផលរំខានច្រើនជាមិនខានឡើយ៕

Saturday, January 14, 2017

ថ្នាំបំប៉នជាតិកាល់ស្យូម អាចមានផលប៉ះពាល់សុខភាពធ្ងន់ធ្ងរ

អស់រយៈពេលច្រើនឆ្នាំមកហើយ មនុស្សស្រីច្រើនតែត្រូវបានគេណែនាំឲ្យប្រើថ្នាំបំប៉នជាតិកាលស្យូម ព្រោះវាមានសារៈសំខាន់ណាស់ក្នុងការជួយឲ្យឆ្អឹងពួកគេរឹងមាំ និងសុខភាពល្អ ជាពិសេសក្រោយពេលរ៉ាំងរដូវតែម្តង។ ប៉ុន្តែ តាមការស្រាវជ្រាវចុងក្រោយគេបង្អោះ បានបញ្ជាក់ថា ថ្នាំបំប៉នជាតិកាលស្យូមប្រហែលជាមិនប្រាកដថា ទៅចិញ្ចឹមឆ្អឹង ឬប៉ះប៉ូវឆ្អឹងដែលកំពុងតែពុកនោះទេ តែវាអាចនឹងកកជាកំបោររឹងនៅជាលិកាទន់ៗក្នុងរាងកាយ ជាពិសេសសរសៃឈាមអាក់ទែតែម្តង ដែលជាហេតុនាំឲ្យប្រឈមកាន់តែខ្ពស់នឹង ជំងឺក្រិនរឹងសរសៃឈាម និងជំងឺបេះដូងតែម្តង។

ក្រៅពីនេះ បើយោងទៅតាមអ្នកជំនាញខាងរបបអាហារវិញ ការញ៉ាំថ្នាំបំប៉នជាតិកាលស្យូមអាចប្រឈមខ្ពស់នឹងជំងឺគ្រួសក្នុងតម្រងនោមបាន។ ដូច្នេះអ្វីដែលអ្នកអាចធ្វើបាននៅពេលនេះ ដើម្បីទទួលបានជាតិកាលស្យូមច្រើន យកល្អគួរតែស្វែងរកវាពីអាហារណាដែលមិនមែនធ្វើចេញពីទឹកដោះគោ ដូចជា ផ្លែអាលម៉ុន បន្លែពណ៌បៃតង ត្រីសាឌីន ត្រីសាលម៉ុង សណ្តែកសៀង និងប្រូខូលីជាដើម៕

Friday, January 13, 2017

តើឪសថបំប៉នសុខភាព អូមេហ្គា ៣ មានអត្តប្រយោជន៏អ្វីខ្លះចំពោះសុខភាព?

ថ្នាំបំប៉នអូមេហ្គាបី នឹងផ្តល់អត្ថប្រយោជន៍ចំពោះសុខភាពបេះដូងដូចខាងក្រោមនេះ បើសិនជាមានការណែនាំពីគ្រូពេទ្យបានត្រឹមត្រូវ៖

អស់រយៈពេលច្រើនទសវត្សន៍ទៅហើយ ដែលការសិក្សាជាច្រើនបានអះអាងថា អូមេហ្គាបី មានប្រយោជន៍ខ្លាំងចំពោះសុខភាពមនុស្សយើង។ ជីវជាតិដែលមានក្នុងថ្នាំបំប៉នមួយនេះ គឺល្អបំផុតសម្រាប់សុខភាពមនុស្សយើង។

ជំនួយដល់សុខភាពបេះដូងកាន់តែខ្លាំង និងមិនងាយកើតជំងឺគាំងបេះដូង
កាត់បន្ថយការឈឺចាប់ដោយសារតែជំងឺរលាកឆ្អឹងខ្ចីក្នុងសន្លាក់
ធ្វើឲ្យអាយុកាន់តែវែង
ពង្រឹងដល់ការចងចាំ
ឆ្អឹងកាន់តែមានសុខភាពល្អ និងរឹងមាំ
ជួយបង្ការការថប់អារម្មណ៍

ការសិក្សាផ្សេងៗទៀតទៅលើថ្នាំបំប៉នមួយនេះបានឲ្យដឹងថា វាក៏មានសមត្ថភាពបញ្ចុះជាតិខ្លាញ់ Triglyceride សម្ពាធឈាម កាត់បន្ថយរោគសញ្ញាជំងឺដាច់សរសៃឈាមខួរក្បាល និងរលាកសន្លាក់ ព្រមទាំងបន្ថយឱកាសនៃការកើតជំងឺមហារីកក្រពេញប្រូស្តាត សុដន់ និងពោះវៀនធំទៀតផង៕

ប្រែសម្រួល៖ វេជ្ជ. ម៉េង សុខសៀន

Tuesday, January 10, 2017

តើអ្នកជំងឺខូចចិត្្ត ឬបាក់ទឹកចិត្តមានអាការះយ៉ាងម្តេចខ្លះ?

ការបាក់ទឹកចិត្តមិនមែនចាត់ទុកថាជាជំងឺផ្លូវចិត្តផ្ទាល់នោះទេ តែវាគឺជាអាការៈធ្ងន់ធ្ងរមួយដែលកែប្រែមនុស្សដែលធ្លាប់តែមានអារម្មណ៍ខ្លាំងក្លា ទៅជាចុះខ្សោយវិញប៉ុណ្ណោះ។ វាគឺជាជំងឺដែលកើតឡើងលើមនុស្សគ្រប់ប្រភេទ ដោយមិនខ្វយល់ថាអ្នកកំពុងតែមានសុខភាពល្អហើយ ឬអត់នោះទេ។ សព្វថ្ងៃនេះ មានមនុស្សប្រហែល ៣៥០លាននាក់ទូទាំងពិភពលោកកំពុងតែមានជំងឺបាក់ទឹកចិត្ត និងឈានទៅរកពិការភាពខាងផ្លូវចិត្តទៀតផង។ សំណាងដែរ ការបាក់ទឹកចិត្តអាចនឹងព្យាបាលយ៉ាងមានប្រសិទ្ធភាពបើសិនជាអាចសម្គាល់អាការៈរបស់វាបានទាន់ពេលវេលាដូចជា៖

ជាមនុស្សដែលលែងចាប់អារម្មណ៍នូវអ្វីដែលគេធ្លាប់ស្រឡាញ់ និងចូលចិត្តកាលពីមុន
ជាមនុស្សដែលស្រាប់តែលែងចង់ញ៉ាំអាហារ ឬចាប់ផ្តើមញ៉ាំអាហារច្រើនភ្លាមៗ
គេងលែងលក់
ចេះតែអស់កម្លាំងជាប់
តែងឈឺក្បាល និងមានបញ្ហាក្រពះពោះវៀន
ចេះតែចង់ទៅណាមកណាតែម្នាក់ឯង
មិនអាចផ្តោតអារម្មណ៍លើអ្វីមួយបាន
មានអារម្មណ៍ពិបាកចិត្តជាប់រហូត៕ការបាក់ទឹកចិត្តមិនមែនចាត់ទុកថាជាជំងឺផ្លូវចិត្តផ្ទាល់នោះទេ តែវាគឺជាអាការៈធ្ងន់ធ្ងរមួយដែលកែប្រែមនុស្សដែលធ្លាប់តែមានអារម្មណ៍ខ្លាំងក្លា ទៅជាចុះខ្សោយវិញប៉ុណ្ណោះ។ វាគឺជាជំងឺដែលកើតឡើងលើមនុស្សគ្រប់ប្រភេទ ដោយមិនខ្វយល់ថាអ្នកកំពុងតែមានសុខភាពល្អហើយ ឬអត់នោះទេ។ សព្វថ្ងៃនេះ មានមនុស្សប្រហែល ៣៥០លាននាក់ទូទាំងពិភពលោកកំពុងតែមានជំងឺបាក់ទឹកចិត្ត និងឈានទៅរកពិការភាពខាងផ្លូវចិត្តទៀតផង។ សំណាងដែរ ការបាក់ទឹកចិត្តអាចនឹងព្យាបាលយ៉ាងមានប្រសិទ្ធភាពបើសិនជាអាចសម្គាល់អាការៈរបស់វាបានទាន់ពេលវេលាដូចជា៖
- ជាមនុស្សដែលលែងចាប់អារម្មណ៍នូវអ្វីដែលគេធ្លាប់ស្រឡាញ់ និងចូលចិត្តកាលពីមុន
- ជាមនុស្សដែលស្រាប់តែលែងចង់ញ៉ាំអាហារ ឬចាប់ផ្តើមញ៉ាំអាហារច្រើនភ្លាមៗ
- គេងលែងលក់
- ចេះតែអស់កម្លាំងជាប់
- តែងឈឺក្បាល និងមានបញ្ហាក្រពះពោះវៀន
- ចេះតែចង់ទៅណាមកណាតែម្នាក់ឯង
- មិនអាចផ្តោតអារម្មណ៍លើអ្វីមួយបាន
- មានអារម្មណ៍ពិបាកចិត្តជាប់រហូត៕

Wednesday, January 4, 2017

បើអ្នកខ្វះជាតិស្ករក្នុងឈាម តើយើងគួរធ្វើដូចម្តេចទៅ? អានអត្ថបទនេះហើយនឹងដឹង

អាការៈខ្វះជាតិស្ករក្នុងឈាម មិនសូវកើតមានជាញឹកញាប់ទេ ប៉ុន្តែ វាមានអត្រាគ្រោះថ្នាក់ដូចគ្នា ព្រោះវាអាចនាំឲ្យខូចខួរក្បាលបាន។ ករណីខ្លះ ទោះបីជាអ្នកជំងឺទឹកនោមផ្អែមក៏ដោយ ក៏អាចមានកម្រិតជាតិស្ករក្នុងឈាម ធ្លាក់ចុះក្រោមធម្មតាដែរ ក្រោយពីចាក់ថ្នាំអាំងស៊ុយលីន ឬលេបថ្នាំជំងឺទឹកនោមផ្អែមរួច។ បើសិនជាកម្រិតជាតិស្ករក្នុងឈាម នៅក្រោម ៨០ mg/dl មានន័យថា ជាបញ្ហាខ្វះជាតិស្ករក្នុងឈាម ហើយអាចសម្គាល់ដឹង តាមរយៈការបែកញើស និងសម្លប់។ បើសិនជាអ្នកធ្លាប់មាន អាការៈខ្វះជាតិស្ករក្នុងឈាម ខាងក្រោមនេះ គឺជាអ្វីដែលអ្នកត្រូវតែធ្វើ។

ពិនិត្យជាតិស្ករក្នុងឈាម
បើសិនជាមនុស្សម្នាក់ទៅជាសន្លប់ ឬមានអាការៈខ្វះជាតិស្ករក្នុងឈាម ចូរព្យាយាមពិនិត្យជាតិស្កររបស់ពួកគេទៅ។ បើសិនជាលទ្ធផលឃើញចាប់ពី ៨០ mg/dl ចុះក្រោមនោះ ចូរឲ្យគេគេងលើផ្ទៃរាបស្មើ។ ចូរឲ្យអ្នកជំងឺបិទភ្នែក និងដកដង្ហើមធម្មតាពីរបីវិនាទី រហូតដល់គាត់មានអារម្មណ៍ធម្មតាវិញ។

ញ៉ាំស្ករ
ចូរញ៉ាំរបស់ផ្អែមៗគ្រប់ប្រភេទ ឬភេសជ្ជៈផ្អែមៗណាមួយ ដើម្បីបង្កើនកម្រិតជាតិស្ករក្នុងឈាមឡើងវិញ។ ចូរឲ្យអ្នកជំងឺទំពារស្ករផ្អែម ឬសូកូឡា ព្រោះវាមានអត្រា នៃការបឺតស្រូបជាតិស្ករក្នុងឈាមបានលឿន និងបង្កើនជាតិស្ករក្នុងឈាមវិញ ក្នុងរយៈពេលតែពីរបីនាទីប៉ុណ្ណោះ។ បើសិនអ្នកជំងឺមិនអាចទំពារបាន ចូរឲ្យគេញ៉ាំទឹកសូលុយស្យុងស្ករ ទឹកផ្លែឈើ ឬទឹកសូកូឡាមួយកែវទៅ។

ពិគ្រោះជាមួយគ្រូពេទ្យ
មិនត្រូវរង់ចាំ ដល់ជាតិស្ករក្នុងឈាមធ្លាក់ចុះដល់ ៦០ mg/dl ឬទាបជាងនេះឡើយ។ កាលណាអ្នកជំងឺដឹងខ្លួនហើយ ប្រញាប់នាំគេទៅជួបគ្រូពេទ្យ ដើម្បីព្យាបាលភ្លាម។ ចំពោះអ្នកជំងឺទឹកនោមផ្អែម បើសិនជាជាតិស្ករក្នុងឈាមធ្លាក់ចុះធ្ងន់ធ្ងរ ឬអ្នកជំងឺនៅតែមិនដឹងខ្លួនទៀត ចូរនាំគេទៅកាន់មន្ទីរពេទ្យ ដែលជិតបំផុត និងចាក់អាំងស៊ុយលីនដល់គេទៅ។ មិនត្រូវទៅឲ្យគ្រូពេទ្យណាពិនិត្យ ដែលមានបន្ទប់ពិគ្រោះជំងឺ ឬគ្លីនិកឆ្ងាយៗឡើយ ព្រោះការពន្យារពេលព្យាបាល អាចបណ្តាលឲ្យជាតិស្ករថយចុះកាន់តែខ្លាំង និងខូចខាតដល់ខួរក្បាលកាន់តែខ្លាំង ព្រមទាំងមានផលវិបាកផ្សេងៗធ្ងន់ធ្ងរទៀត៕

ទើបតែដឹងមូលហេតុដែលបណ្តាលអោយ សក់ស្កូវទាំងវ័យក្មេង

អាយុទើបតែ ២០ ឆ្នាំមានសក់ស្កូវទៅហើយ? បើឃើញបែបនេះ មនុស្សមួយចំនួនគិតថា វាប្រហែលជាសត្វទិក ឬខាំហើយ។ អ្នកខ្លះទៀតគិតថា វាជាតំណពូជ ខ្លះទៀតនិយាយថា គេហាយឡាយសក់លេងទេតើ?

អញ្ចឹង តើមូលហេតុអ្វីទៅ ដែលបណ្តាលឲ្យសក់ស្កូវមុនអាយុបែបនេះ?

មូលហេតុ

១. ការលេងសក់ ឬប្រើប្រាស់ផលិតផលគ្មានគុណភាពនៅលើស្បែកក្បាល
២. ការប្រតិកម្មទៅនឹងផលិតផល ដែលមានជាតិគីមីមួយចំនួន
៣. ស្ត្រេស
៤. ការសិក្សាជាច្រើនបានបង្ហាញថា សក់ស្កូវមុនអាយុ គឺបណ្តាលមកពីកង្វះវីតាមីន B12
៥. តំណពូជ
៦. ទទួលទានអាហារមិនមានសារធាតុចិញ្ចឹម និងវីតាមីនគ្រប់គ្រាន់
៧. ការរស់នៅគ្មានផាសុកភាព៕